O pazo máis coñecido é o Pazo de Andeade, cunha ermida de estilo barroco galego. Sobresaen tamén o Pazo de Lobagueiras en Bendaña, a Casa Grande de Dioño en Cornado e os pazos de Rosende en Calvos, San Cristovo en Fao e o de Mince en Prevediños.

En calquera das parroquias de Touro podemos atopar igrexas e cruceiros de épocas moi variadas. A arquitectura popular do noso concello está formada por numerosos muiños, hórreos  galegos, lavadoiros, fontes e pombais de diseños singulares.